6歲兒主動幫忙拿托盤不慎跌麵包　惡媽當眾狠摑兩巴掌︰都話你拎唔到

小朋友主動幫忙，因做得不好反被媽媽責罵，真的傷透小朋友的心。有網民在麵包店目擊一個帶著2孩的媽媽，因大仔不慎弄跌麵包托盤，掉了2個麵包落地，媽媽竟當眾向兒子兜巴星，嚇呆店內所有人！

網民在facebook專頁《生仔要考牌系列》發帖文表示，昨日（24日）約下午3時至4時，網民到屋企樓下麵包店買麵包，旁邊有一個媽媽帶著一仔一女買麵包，大仔約6歲，細女約4歲。

兒子好乖主動提出幫媽媽拿取麵包托盤，媽媽二話不說將托盤交給兒子，但網民形容該托盤有一定重量，小朋友未必拿得起，而且他的托盤上已有3至4個麵包。

不出10秒兒子便拿不穩，弄跌了兩個麵包，媽媽竟然立即掌摑兒子兩巴，並狠狠地說︰

話咗你拎唔到啦！

兒子馬上衝出店舖大哭，店外是馬路很多車出入，媽媽懶理兒子的安危繼續挑選麵包。老闆娘和客人非常關心小朋友的安全，老闆娘更表明不必賠償掉下的麵包錢。

不過，該名媽媽一直黑面，沒有道歉，買完麵包後更憤怒地離開，兒子一直喊著跟尾，情景令人心酸。

網民紛紛批評該名媽媽是一個壞榜樣，難得小朋友肯學肯幫手，大人應教他怎樣小心拿托盤，可以令小朋友有成功感，「就算佢搞亂擋，都要冷静叫佢向店員道歉。」

做錯事就打仔的方法是最差，令小朋友以後都不敢再幫忙，

將來呢位媽媽就唔好喺度呻點解仔女對佢咁冷淡。

有媽媽網民認為，不應怕小朋友失敗而拒讓他們嘗試，最重要是當中的學習過程。

佢試過失敗先識掌握竅門，而家兒子5歲幾食自助餐都係自己拎嘢食。